ودع ـتك اللهـ

ودعتك الله لو على قلبـي اخطيـت
وحاربتنـي مـن دون ذنـب وخطيّـه

احسبك تذكرني إذا اصبحت وامسيت
واثـرك علـى فرقـاي نفسـك هنيّـه

الله اكبـر كيـف عنّـي تخلّيـت
من بعـد مـا علقـت روحـي البريّـه

وش غيّرك وش بدّلك ليه صدّيـت
وانـت الـذي بالقلـب نبـض وهويّـه

من هو بقى لي بعدما عنّي اقفيـت
وقدمتنـي للـحـزن اثـمـن هـديّـه

كل شي تخيلتـه ولا يـوم ظنـيـت
إنـك لحـد غيـري ولانـت بلـيّـه

ويلك من الله كيف بالحب ضحّيـت
قلبـك حجـر مـا حـنّ يـومٍ علـيّـه

اللي بنينا بْعمر فـي يـوم هدّيـت
واحلامنـا مـا عـاد منـهـا بقـيّـه

اتعـد غلطاتـي إذا يـوم زلـيـت
من دون مدري .. ويـن ذيـك الحميّـه

مافيه معصوم الخطا لـو تحريـت
ولا فيـه كامـل غـيـر رب البـريّـه

ولو ما احبك ما نشدتك ولا اطريت
بعـدك وصـدك وانتخيـتـك نخـيّـه

ترجع لقلبٍ يـوم بالعقـل حبيـت
وتترك هـل الأحقـاد واهـل الوشيّـه

خايف عليك وخايفٍ منـك ياليـت
مايـوم حبيتـك وصـرت الضحـيّـه

لا نيب حي بعد هجـرك ولا ميـت
ولا نـي مريـض ينعـرف بالشكـيّـه

لكنـي ادرى بحالتـي لا تـرديـت
ولا ينفـع الملـتـاع طـبـه وكـيّـه

مالي سوى اللي كلمـا راح ناديـت
يـا كـود يسمعنـي ويـرجـع ليه

إبن العم: إبن المثاه


جميل ما كتبته لنا يالغالي


كتابات تعبر عن الكثير من الفرقى


يكون الله بعونك وبعون المحبين

كان من هنا ..
عبدالرحمن العجيفي

الاخ القدير ابن المثناه

كلمات جميلة تلامس الاحساس

اعجبتني كثيرا تقبل مروري ولك مني جزيل الشكر

دمت لمن تــــــــحب

الله يعطيڪ آلعـآـآفيه على طرحڪ آلجميل..

لآعدمت إختيآـآرآتڪ ـآلذووق..

\7

اخي / عبدالرحمن
الجميل هو مرورك بمتصفحي
فلك تقديري واحترامي

الملتاعه
اسعدني مرورك فتقبلي شكري واحترامي
دمتي لمن تحبين

اخي عبدالمحسن
شرفني مرورك الجميل بمتصفحي
تقبل فائق احترامي

البارودي

اشكرك علي مرورك