لي الشرف غير الزمن ماكسرني

وش صار يعني لو حبيبي هجرني
ماهمني لاهو ولا اللي يقولون

كم واحد(ن)قبله وفيت وغدرني
ماقامت الدنيا ولا صرت مجنون

وان كان قصدك بالخسارة خسرني
وان كان قصدك بالعطايا يولون

محد(ن)على ذيك العطايا جبرني
وشرواي لامنهم عطو مايمنون

شي(ن)خذيته من ابوي وشهرني
الطيب اللي حي لو كان مدفون

وبالشدة اذكر بالرخا من ذكرني
وأجيه انا من اقصاي لاصار مغبون

واتعب على منهو جرحته وعذرني
وامسك عليه الى أخطا كلمة تمون

واسهر عشان اللي تعبت واسهرني
وكانه سهرني بعين ابسهرله عيون

واشكر كرم منهو عطيته وشكرني
والله يسامح من خذا وقال مديون

رح للذي تو ماعرفني وخبرني
وقله ترى نصار كلمني هاللون

كل الجفا اللي منهم ماعسرني
صاروا معي والا علي مايهمون

لي الشرف غير الزمن ماكسرني
اطيح واضحك له وانا كلي طعون

حتى ولو طيبي لعبي ودمرني
اموت الى منه ولا اموت ممنون

وصحيح انا طيب وعقلي عبرني
لكن اذا ضاقت علي صرت مجنون

امل شتا


يعطيك العافيه على النقل الجميل

صح لسان الشاعر

أمل شتاء
اختيار جميل ونقل مميز
صح لسان الشاعر
ولاعدمناآآآك

الله عليك و على هالكلمآإت
آهنيك ع ذوووقك
وتسلم إيدينك
على النقل الرإئع

كل الشكر