قصيدة مفاهيم العرب

قصيدة للشاعر محمد الذيب

خسرت اشياء وعفت اشياء كثيره خايف من العيب
وياكثر اللي مشى بالعيب حتى صار بالقمه
طلع للناس واصبح من رموز القدر والتوجيب
وهو كل العيوب السود في جيبه وفي كمه
عطاه المجتمع قدرٍ مثل عمر النبي شعيب
وهو في كفة الميزان قدره مثل قدر امه
مفاهيم العرب تالي زمنها شيبتّني شيب
مفاهيمٍ ظواهرها حياة وجوفها رمه
تسر الناظرين بشوفها واثمارها تركيب
نخيلٍ حولها تلفى قرود الجهل ملتمه
انا ما الوم هذا المجتمع يحتاج له تدريب
على فهم القيّم من قبل نسخر منه ونذمه
ياليت نخاف من فقر القيّم من قبل فقر الجيب
لجل فقر القيّم يعمي القلوب ويرخص الذمه
على المفهوم هذا مرحبا بالفقر والتعذيب
لو انه خط يرهق صاحبه بإتعابه الجمه
اشوف الطيب واجنّب ولا كنّي من اهل الطيب
من اسباب الظروف اللي تهد العزم والهمه
ظروفٍ كلها تنبح وتمنع لايجود الذيب
ولكنّه ترك جود الظروف وجاد من دمه
تقدم غيرنا بالعلم واصبحنا بلا ترتيب
نسير وننظر العلم الجديد ونندفع يمه
ولكن مافلحنا في علوم البحث والتجريب
مصانعنا تصدّر منتجاتٍ كلها خمه
يجي من منتجات الغرب مايدعوك للتغريب
ونقابلها نصدّر منتجات القات والشمه
معاذ الله من علمٍ يجيب الهدم والتخريب
تقدمنا بعلمٍ مايضم العز من ضمه
خذينا من قشور العلم مايبعد عن التهذيب
وصعدنا بالفضا رواد بالغيبه وبالنمه
واذا اصبح عندنا علم الشهاده مثل علم الغيب
ياليت نفوسنا في جانب الاخلاق مهتمه


الشاعر محمد الذيب

صح الله لسانك
مشكور على القصيدة الرائعه وتسلم ايدك




تقبل تحياتي


مشعل الهميعي

محمد بن الذيب مشهور وغني عن التعريف

ومعروف بالقصائد الجزله

وانت يا عبد الرحمن ما فيك قصور

انت ابو الجزاله وجدها

لا عدمناك يالذيب