وصية الشاعر فيصل الرياحي رحمه الله لابنه بدر

\7

[poem=font="simplified arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

يابدر خـذ وصيـه واعتبرهـا وديعـه =الله اعلم متـى يابـوك يـوم الوداعـي
يجري العمر والايـام تجـري سريعـه =سرها قبل رمـي اسهومهـا مايذاعـي
يابـدر نحمـد الله ماعلينـا هزيـعـه =رغم بعض العواصف رافعين الشراعي
نطلـب الله يوفقنـا دروب الشريـعـه =ما ندور على دروب الغوى والضياعي
ونطلب الله يجنبنـا الامـور الشنيعـه =لاتعـاوى علينـا ضاريـات السباعـي
يابدر ماجنيتـك مـن بيـوت الدنيعـه =النفوس الضعيفـه والقلـوب الوجاعـي
يابدر مركزك بين الحصـون المنيعـه =اخذ منا ومن جـدك حميـد المساعـي
يابدر من يحـاول هزعتـك لاتطيعـه =الجبال الشوامـخ ترفـض الانهزاعـي
ومن قطع رفقتك قلـه يامـال القطيعـه =يارفيق المذلـه مـال رفقتـك داعـي
وكان بعض الرفاقه جاك منهم وجيعـه =قد يكون الفراق افضل من الاجتماعـي
لاترافـق خبيثيـن النبـا والطبيـعـه =سقط ناس سوالفهم تجيـب الصداعـي
يلبسون اقنعه فوق الوجيـه الوضيعـه=وعن وجيه الردا لا زام يطيح القناعـي
واجد الطيبيـن ولا تضيـق الوسيعـه =دور اهل الوفا واهل الصدور الوساعي
والصديق الصدوق المحتـرم لا تبيعـه =احتفض به وخلـك للمواثيـق راعـي
واحذر الضحكه الصفرا من اهل الخديعه =حلل افكارهم في مختبـر فكـر واعـي
بعضهم يتخذ من كـل حاجـه ذريعـه =يكرهـون البنـا ويفضلـون التداعـي
ولاتضلي خلاف النـاس مثـل التبيعـه =كلمة النعم جاهـد وانتزعهـا انتزاعـي
لاتاخـر جـوادك خلـهـا فالطليـعـه =خذ مكانك مع اهل المجـد والاطلاعـي
المذمه علـى الانـذال ماهـي بديعـه =والمدايح يحصلهـا طويـل الذراعـي
والتزم فـي حبـال الله بـم تستطيعـه =من تمسك بدينه جا بو جهـه شعاعـي
والصبر له عواقـب طيبـه لاتضيعـه =قدر الصبر والله معك وامـره مطاعـي
كم صبرنا على بعض الامور الفضيعـه =نعتبرها مـن التافـه وسقـط المتاعـي
وكم لي اصارع الدنيا بنفس(ن) شجيعـه =واجتهادي يحقق لي نتيجـة اصراعـي
اتفاول بخيـر ودم وجهـي مـا ابيعـه =كـل شـي يبـاع الا الحيـا مايباعـي
اعشق العـز واحـب الحيـاه الرفيعـه =واكره الارتخايه وارغـب الارتفاعـي
واتواضع لسمحيـن الوجيـه النصيعـه =واترفع عن اهل الزيف واهل الخداعـي
يابـدر لاتلفـت للعـقـول الخليـعـه =قدر الراس قـدره لاتحسـب الكراعـي
كم سمحنا وسامحنـا خطـات الخميعـه =حشمـة الطيبيـن وقصـرة للنزاعـي
ما عرضنا لحمنـا للوحـوش المجيعـه =لو شربنا من الحنضل وسـم الافاعـي
ولن وردنا خصومة حـق والا نزيعـه =عضمنا ما يلين نكيل صاعن بصاعـي[/poem]

\7

[size=4][font=arial][a7la1=336699]مشكور أخي العلياني
على هذا الاختيار الرائع الذي ان دل على شي فإنما يدل على نظرة ثاقبة للنصوص ذات الصبغة الاسلامية التي تحث على مكارم الاخلاق ومعالي الامور
شكر الله لك هذا الاختيار
ورحم الله الشاعر الكبير فيصل الرياحي رحمة واسعة
ولك فائق التحية والاحترام مكة المكرمة

اخوي العلياني أشكرك على هذا الطرح
الله يرحمك (يافقيد البقوم)

\7