|
#1
08-31-2009, 06:25 AM
|
||||
|
||||
المبــــــــــاني .... قصيده رائعه
المباني
جابك الله من غياب ٍ ضيّق صدور المباني قبل لا الوحشه تزعزع بيتك الصلب وتبيده بيتك اللي من رحلت وكل جدرانه تعاني ماتحمل ينتظر شهرين وعيونك بعيده الله العالم لو إنك جيت متأخر ثواني ماتشوف إلا بقايا من حصاه ومن حديده من عرفتك وأنت تايه من مواني لي مواني وتارك ٍ قلبي مولّع من وقيده في وقيده ضاعت سنيني أحد بهاليالي وتحداني وأنت ماتشبع غياب ولاتخاف من النقيده ودي أتحمد لك الله بالسلامه , مامداني كل ماتوصل برحله ترجع برحله جديده دام تدري كل وجه ٍ غير وجه الله فاني ياخي أكسبلك ثواب وخاف ربك في عبيده كان فيني عيب قلي:فيني العيب الفلاني كان هرجي مزعلك في شي قلي:لاتعيده عيب تصغر في عيوني وأنت برقاب الغواني كيف تستسهل طعوني وأنت خابرني وليده ؟ لعنبوك أن مت بيدك من يفكك من أخواني ؟ لحزنوا ربعي على فرقاي شاللي تستفيده ؟ أنت منت اللي عشقته أنت أكيد انسان ثاني ليه صرت بهالبرود وبهالاحاسيس البليده ؟ وين حبك للزعل .وين العناد الأولاني ؟ وين حنّية زمان وفرحة العمر الرغيده ؟ وين ذاك اللي اليا أقبل مايبات إلا بمأني ؟ وين راح اللي اليا أقفى مايروح ألا فقيده ؟ واحد ٍ من جابه الله بس يامر ويعصاني الوحيد اللي أخافه غصب وأمشي معه سيده (مابغيت أطيح بيده) لين ماربي بلاني ولا أنا لو هي بكيفي (مابغيت أطيح بيده) ذاك بس اللي يامن جيته يلخبط كياني اللي بنظره ينشف دم قلبي في وريده قبل أشوفه أجمع اله أحلى القصايد والمعاني وأن لقيته ماعرفت أقول لي جمله مفيده الف مره قبله أعد القصيده من لساني ولعنبوه أن جيت عنده قمت أخربط بالقصيده أمدحه وأنا أدري أنه لو تباطاني نساني أنطحه وانا أعرفه مجنون وأفكاره عنيده من يسوي بي سواتك يالرهيف الاسمراني ؟ منهو من الناس غيرك غلطته ترفع رصيده ؟ من يقص(جناح طيرك)وأنت أعز أنسان جاني ؟ ليه أخاف(رماح غيرك)وأنت ضرباتك سديده ؟ ان تبعتك .أتبعك من طيبي وواسع بطاني ولا أنا لاجيت أكيد انسان عزالله بكيده أقدر أنزع لك ثيابي وألبس ثياب الأناني وأقدر أطلع من عذابي والعب بدورك وأجيده ومستعد أكسب رهاني لو بغيت أكسب رهاني وأخدعك بحساس كاذب وأتحدى من يصيده أبك أنا لي شفت خلّي حط غيري في مكاني والله إني لتركه وأن صد لعشق سيد سيده جيت مابيك تحقرني جيت أبيك تعز شاني جيت أبي فزعة ضلوعك من مشاعرك البليده خلني داخل (حدودك) وأجبر بخاطر زماني أكذب بباقي (وعودك) وأصدق بلحظه سعيده أنتشلني من (برودك) لو تولّع بالمحاني عطني أحساس (بوجودك) وأخذ كل اللي تريده تكفى واليا قلت :تكفى بيع خلق الله عشاني لاتضيّع من يديني فرصة العمر الوحيده يعلم الله شفت منك ومن غيابك ماكفاني كان ماتقدر تخفف هم قلبي !! لاتزيده شف غيابك وش يسوي بالصدور وبالمباني وأنت تدري كيف كانت صدمت غيابك شديده والله أنك لو وصلت البيت متأخر ثواني مالقيت إلا بقايا من حصاه ومن حديده ........................
__________________
. . مَجنُونً هَالحلٌمً  ،............... | عيّت تُضبطً | أوضَإآعَه ~! 
|
|
#2
08-31-2009, 07:01 AM
|
||||
|
||||
|
رد: المبــــــــــاني .... قصيده رائعه
الف مره قبله أعد القصيده من لساني ولعنبوه أن جيت عنده قمت أخربط بالقصيده أمدحه وأنا أدري أنه لو تباطاني نساني أنطحه وانا أعرفه مجنون وأفكاره عنيده رائعه من روائع الشعر لعدم تكلف شاعرها الريم اللعوب حس شاعري مرهف الف الف شكرلكي على النقل اخوك
لاحق الفني السلمي
__________________
حسبت من كل النواحي ولأنها دنيا وماهي للطيبين حـــزام دنيا تسايسنا وحنا نســــــــــنها هذاك عام يروح وهذا عام مزحومة بالناس من غير جنها وأنا مراقبها لها رســــــــام بقلم / لاحق الفني
|
|
#3
08-31-2009, 07:31 AM
|
||||
|
||||
|
رد: المبــــــــــاني .... قصيده رائعه
كل الشكر والتقدير لك ولنقل المميز
وكذلك حسن الاختيار تحياتي
__________________
|
|
#4
08-31-2009, 07:54 AM
|
||||
|
||||
|
رد: المبــــــــــاني .... قصيده رائعه
اشكر لكم مروركم
ويعطيكم الف عافيه
__________________
. . مَجنُونً هَالحلٌمً ،............... | عيّت تُضبطً | أوضَإآعَه ~!
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 09:51 AM.
