البطاله

السلام عليكم ورحمة الله وبركاته

اهداء الى فئة العاطلين عن العمل وبصوت واحد لا للواسطه

ارجوا ان تنال على رضى الجميع

((البطاله))

[poem=font="tahoma,6,red,normal,normal" bkcolor="transparent" bkimage="" border="groove,4," type=2 line=1 align=center use=ex num="0,black""]

ياقلب لا تحزن بدار السلاطين=دار السعود اللي ذبحنا غلاها
دار الرجال اهل الوفا والميامين= اللي مع العالم بعيد مداها
تفرق عن العالم بكثر المقيمين=وسياسة التوطين محدٍ يباها
وتفرق عن العالم بكثر القوانين=اللي على الاوراق محدٍ قراها
وفيها من التعليم مايبهج العين =من المعاهد والمدارس تباها
والجامعات اللي عليها البراهين=تبنى ولا زال السرا في بناها
وفيها التميز في جميع الميادين=بالطب والتعليم واللي وراها
لكن مع هذا التميز الى الحين =شوف البطالة واصلة منتهاها
نسبة واقدرها بخمسه وستين=وكلٍ شهاداته معه في خباها
هذا ترى حال الشباب المساكين=بعد التخرج منيته مالقاها
بعد الدراسه راح من عمره سنين=والحال ماتخفى على اللي شكاها
وليا طرق باب الوطايف باليدين= وجهز ملفه والوظيفه نصاها
قالوا خلاص ارجع لنا عقب يومين=ولى تجيك اخبارنا في نباها
وسط الصحف والنت تلقى العناوين=هذي سياستهم وهذا غطاها
تكفى يابو متعب ترى حالنا شين= شف حالة شعوبك تزايد عناها
نبي قرارك وانت طلق الحجاجين= اقمع هل التخريب والعن ثواها
هذي قضيتنا تبي منكم اللين= وحنا شباب المملكه ونحماها
لا تنظر لبغداد ولى فلسطين = شف علة شعوبك ودور دواها
الشعب من زود العنا كله انين= اغتيلت احلامه وظلم سماها
والمشكله فيما يسمى الفيتامين= حطم طموحات الشباب ومناها
اليا متى واحنا على الظلم باقين= وليا متى واحنا نعيش بهواها
هذا ترى حال الشباب المساكين = كل يقول الواسطه مانباها

[/poem]

وسلامتكم

اخوكم

ابراهيم النقريني

والمشكله فيمـا يسمـى الفيتاميـن =حطم طموحات الشبـاب ومناهـا


صح السانك ياشاعرنا

نعم السر في فتامين (o)

حملة يا شعرنا الكبير معاناة شباب عاطل

منهم من يعول أسر ولا يجد الوظيفة

وأسأل الله لهم التوفيق

شكراً شاعرنا القدير على هذه الرائعة


وتقبل مروري

الاخ المشرف والشاعر الملهم / ابراهيم النقريني


صح لسانك مليون على هذا النص الجميل

الذي تطرقت فيه لموضوع مهم لجميع الشباب

ومايعانونه من بطاله ودولتنا وحكامنا حفظهم الله

دائماً يسعون لراحة المواطن ولرفاهيته ولكن.....

صح لسانك الشاعر ابراهيم النقريني

والفيتامين منتشر فى كل مكان

وهذا حال الدنيا

والامانه مطلب لكل شيء

لا هنت ابيات جميله صح لسانك

صقر النوادر الغالي
واقع الحال كما اسلفت في منظومتك ولكن 0000
ان غدا لناظره لقريب
ان شلء الله يفرجها لنا الخالق وتتعدل الامور بحكمة مليكنا الغالي وولي عهده الامين
لان كل مانشاهده من البطانه الغير سويه
صح لسانك وفقك الله

المبدع / ابراهيم النقريني

لقد تطرقت لموضوع مهم يمثل الهاجس الاول لفئة الشباب

آلا وهو الوظيفه ومايعانيه المجتمع بكل فئاته من الواسطه

والشاعر يعتبر مرآة مجتمعه ينقل همومهم ويعالج قظاياهم

وانت أحسنت اختيار الموضوع واتقنت الاسلوب واجبرت كل من

يتصفح القصيده على تسجيل اعحابه بها .

لك مني كل الاحترام

المعتصم بالله السلمي

الشاعر/ إبراهيم النقريني

صح لســــــــــــــــــــــــانك على هذه القصيده الرائعه من رائع

ولكن يبدو أن الامور كما ذكر أبو ماجد

تقبل مروري وإعتذاري على التأخير

يعطيكم العافيه جميع الاخوان على المرور


لا حرمت تواجدكم هاهنا





لكم الود والتحيه





اخوكم





صقر النوادر

وتفرق عن العالم بكثـر القوانيـن***اللي علـى الاوراق محـدٍ قراهـا

؟!!!


الله يلوم اللي يلومك يا إبراهيم .

ولكل ضيق مخرجا وانا اخوك .

صح لسانك ... والصبر مفتاح الفرج

\7