.. تَـكَـفَّــىَ تَــرَىْ تَـكَـفَّـىَ تَـهِــزَ الرِيَاجِيّـــلِ ..

هذي القصيده المشــهوره للشـــاعــر.. / محمد الدحيمي

(.. تَـكَـفَّــىَ تَــرَىْ تَـكَـفَّـىَ تَـهِــزَ الرِيَاجِيّـــلِ ..)

[poem=font="mudir mt,6,black,bold,normal" bkcolor="burlywood" bkimage="" border="groove,5,gray" type=1 line=0 align=center use=ex num="0,black""]
علم العفا وعفاك .. يا وافي الكيل= أبشّرك بساطه.. في خيـر وعفـا
نكفي بعضنا ,, وانتكافا على الشيل=واللي تعب من الحطّ والشيل يكفـا
من ذاق حرّ القايله يعشـق الليـل=ومن شبّ ضّوه ليلة البرد .. يدفـا
لاعاد ليلٍ نمت به في حرى سهيل=وخايلت نوضٍ يخطف العين خطفا
امسيت في جيل ٍ ولاهوب في ذا الجيـل=واصبحت ... والاّ ديرتي شبه منفا
كنّا على فـال الشحـم والمعاميـل=ونفوسنا انقى من نقى العدّ .. واصفا
وانا ولو راحت بقولـة : تساهيـل=صلف وصروف الوقت تحتاج صلفا
ياترج جدّاني .. زحول الرجاجيـل=يحرم فلا لي عنك ياترج .. مقفـا
إمّا لطمنا العيل .. والاّ الطم العيـل=مادام شبّ النار منـدوب الأطفـا
خل ابرهه الأشرم على ذمّة الفيـل=وانظر لشيٍ .... مايوصفّه وصفـا
ياذيـل والله ماتجـي راس ياذيـل=علمٍ ماهو يغبـى ولاهـوب يخفـا
واللي حمـا بيتـه بطيـرٍ ابابيـل=ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل=جيتك وجرح الظلم .. غاديه يشفـا
جيتك بكلمة .. كنّها صعقة الويـل=إن قلت تكفا ... لا تهـاون بتكفـا
تكفا .. تراها كلمةٍ تقطـم الحيـل=لا بالله الا تنسـف الحيـل نسـفـا
تكفا .. ترى تكفا لها هدرة السيـل=في صدر حرًّ .. ينتف الطيب نتفـا
تكفا .. ترى تكفا لها تسرج الخيـل=إن كان لك باالخيل سرج ٍ و عسفا
تكفـا .. تبيّـن كـلّ لاشٍ وحليـل=تسمع لها بالصـدر هبـدٍ ورجفـا
تكفا .. وتكفـا ماتسـاق لمهابيـل=تكفا .. تخلي القـرم لاشٍ وهطفـا
تكفا .. تجنّبني هل القـال والقيـل=مانيب من ينكف علـى كـل ملفـا
تكفا .. تراني من قروم ٍ مشاكيـل=حمّاية الساقـه .. بسيـفٍ وشلفـا
تكفا .. ترى تكفا تـهز الرجاجيـل=ولولا صروف الوقت ماقلت .. تكفا


[/poem]

قصيده جميله جداً جداً أشتهرت على مستوى واسع قديماً وحديثاً لك جزيل الشكر الأستاذ //عبدالمحسن على النقل .سلمت.

قصيده رائعه ونقل أروع

سلمت أخوي عبدالمحسن وسلم لنا ذوقك وصح الله لسان شاعرها

دمت متميز في الأختيار والنقل

تقبل مروري،،،

صحـ الله لسان الشاعر
وصـــحـــ قلبكــ وفكرك وإحساسكـــ

نص جميلــ بجمالــ حضوركــ .. وكلماتــ غآية في الجمالــ


تقبل مرووري .. دمت ولا هنت

عـز سـلـيـم






تـحـيـاتـي

المشاركة الأصلية كتبت بواسطة بنت الهيلا

قصيده جميله جداً جداً أشتهرت على مستوى واسع قديماً وحديثاً لك جزيل الشكر الأستاذ //عبدالمحسن على النقل .سلمت.

يعآفيك ربي ويسلمك
سعدت بحظورك وتشريفك لمتصفحي
دمت بسعاده ورضى الرحمن
ودي ووردي

المشاركة الأصلية كتبت بواسطة عبدالعزيز البارودي

قصيده رائعه ونقل أروع

سلمت أخوي عبدالمحسن وسلم لنا ذوقك وصح الله لسان شاعرها

دمت متميز في الأختيار والنقل

تقبل مروري،،،

يعآفيك ربي ويسلمك
سعدت بحظورك وتشريفك لمتصفحي
دمت بسعاده ورضى الرحمن
ودي ووردي

المشاركة الأصلية كتبت بواسطة شيهآنه

صحـ الله لسان الشاعر
وصـــحـــ قلبكــ وفكرك وإحساسكـــ

نص جميلــ بجمالــ حضوركــ .. وكلماتــ غآية في الجمالــ

تقبل مرووري .. دمت ولا هنت

يعآفيك ربي ويسلمك
سعدت بحظورك وتشريفك لمتصفحي
دمت بسعاده ورضى الرحمن
ودي ووردي

المشاركة الأصلية كتبت بواسطة الـبـارودي

عـز سـلـيـم

تـحـيـاتـي

يعآفيك ربي ويسلمك
سعدت بحظورك وتشريفك لمتصفحي
دمت بسعاده ورضى الرحمن
ودي ووردي