محاورة بين عبدالله عتقان و حبيب العازمي

#1 07-29-2007, 02:45 PM

محاوره حبيب العازمي الطلحي الروقي العتيبي وعبدالله بن عتقان السلمي
جـرت هـذه المـحـاورة يــوم الثـلاثـاء
الموافق 23/6/1425ه ـبقصر الروابي بجدة

حبيب العازمي العتيبي
سلامي سـلام مسيـرٍ يطـرق البـاب
علـى سايـر العربـان ماهـو بغـادي
أنـا ياكبـار سليـم للحـق طــلاب
أنادي ولا ادري مـن يجيـب المنـادي

عبدالله بن عتقان السلمي
هلا مرحبا ياضيـف مليـون ترحـاب
علـى سنـة الأسـلام والجـو هـادي
تنادي يأبو فيصل بـدون أيـة أسبـاب
تراهـا مواقـف بالسيـوف الحـدادي

حبيب العازمي العتيبي
نعـد الليالـي مالهـا عـد وحـسـاب
وبيـن البحـر والضلـع تسعيـن وادي
تشوف النجوم وتحسب إن القمر غـاب
وأنا أعرف هبوبـك حـر وألا بـرادي

عبـدالله بـن عتـقـان
ليا سلمـت اللحيـه وسلمـن الأشنـاب
لا تسمـع لنشـره عابـره فالـروادي
يجوز إن به نـاسٍ يثيـرون الأرهـاب
يبون النصر يقضـي علـى الإتحـادي

حبيب العازمي العتيبي
يازين المروه لو على قطـع الأرقـاب
وراع المطيـه محتـفـظ بالـشـدادي
أنا مارتفع ضغطي على حرق الأعصاب
أعـرف المنافـق والكـذوب الربـادي

عبـدالله بـن عتـقـان
وأنا مأعتبرت الرجل مخطي ولا صاب
ياليـت أعتقـادك يتـفـق بعتـقـادي
تعجلـت يالروقـي بتاريـخ الأنسـاب
وأنا حاسـب إنـك بالحيـاة أقتصـادي

حبيب العازمي العتيبي
مزال القلوب إنظـاف والنـور جـذاب
أبمزح معك واللي حصل شـي عـادي
يقولون قلع الضرس يثر علـى النـاب
وأنا أقول قلع الضرس مفروض بـادي

عبـدالله بـن عتـقـان
أنا معـك فالوقفـه بسيـفٍ ومشعـاب
ولا أمزح معك لو كنت غايـة مـرادي
قلعنا الضروس وهونت كل الأحـزاب
وهالحيـن مافيهـا عنـاد وجـهـادي

حبيب العازمي العتيبي
على طاري المشعاب والرمـح وذيـاب
مشاعيبكـم كثـرت سـواة الجـرادي
إذا ماهداك الله تـرى فيـك مضـراب
وهات الفتيلـه عنـد خشـم الزنـادي

عبـدالله بـن عتـقـان
مشاعيبنا فالروس سوت لهـا أعجـاب
وخلتك تهـرب مـن عشيـرة وغـادي
وياكم من هرجة عطـت كـل مجنـاب
ولا دنسـت قـوم الثيـاب الـجـدادي