رائعه للشاعر ناصر القحطاني

#1 09-07-2010, 03:17 PM

[poem=font="times new roman,6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
خذا اللي تطلبه..مادمت اخوي العازم الجازم =لكن ان شفت دمعي..شف لنا شي يسلينا
فتى أحلام..هنا..كان يتغزل في فتاة احلام =خطفها بين حور البحر واغلاها من المينا
وجاب لها بساط الريح..قالت للغلا قدام = ولا نحتاج يامخلوق مخلوق يوصينا
انا ذاك الفتى الصب وهي اجزل واكرم الاكرام = من اللي مد عمره صدق ف اولنا وتالينا؟
دقيقة من دقايق ها المكان تساوي مية عام =هنا..ساعاتنا ما كانت تلحق ثوانينا
هنا ياما تعاهدنا..هنا ياما غدينا اخصام =هنا ياما تعاتبنا..هنا ياما تراضينا
هنا كنا نصيح وتحتوي صيحاتنا الانسام = لطيفة كنها لامن تجادلنا تهدينا
هنا كان الحمام يطير لكن لاوصلنا حام = يحسب أنا من السرب وهو اللي كان ناسينا
هنا طلنا حضن نجد وهواء الطايف وتمر الشام= وجوز الهند واعذب دجله وسكر قصب سينا
ماأرقه من مكان..الله يوم انا نجيه هيام = عطاشى جايعين وكان يطعمنا ويسقينا
نجيه بلا هدايا والخفايا حسبة الأيتام = ونعود بلا خفايا والهدايا في مخابينا
ولو ينطق..تفجر به نهر كله ذهب وانغام = وزم الفل والريحان والنرجس حوالينا
نحبه كثر ما طشنا وقسمنا فضاه اقسام = لا ماسينا واسامينا وامانينا واغانينا
كثر ماضمنا وايامنا ماهي من الأيام = ودنيانا شبر في شبر تضحك بين ايادينا
على وضح النقا..وضح النقا..وضح النقا اللي دام = وكن الكون باللي فيه ما والله يعنينا
توادعنا وودعنا المكان وحارت الأقدام = ولا ملت شفاه افواهنا ترديد اسامينا
ايلين الدمع طاح وطاح معه الشال والبسام = ياليتك تدري بذيك الدقايق وش حصل فينا
ورى دمعتك سالت..وانت اخوي العازم الجزام = أنا ماقلت لك دور لنا شي يسلينا؟[/poem]

#2 09-07-2010, 06:20 PM

كـثــر ماضـمـنـا وايـامـنـا مـاهــي مـــن الأيـــام
ودنيانـا شـبـر فــي شـبـر تضـحـك بـيـن اياديـنـا

على وضح النقا..وضح النقا..وضح النقا اللي دام
وكـــن الـكــون بـالـلـي فــيــه مــــا والله يعـنـيـنـا

سيف الدين / ذوق رائع وصح لسان الشاعر

اجمل تحية لاعدمتك