محاورة مبكية بين أب وابنــــــــــــه

الولد

يابوي انا جيت لك والنفس ندمانه
وفي القلب نار تشب وتشعل اشعالي
ولدك تاه الطريق وكثرت احزانـــه
شرب المراره وغيره يشرب الحالي


الأب
رح خل ينفعك من طاوعت شيطانه
صاحبك راع الوفا اللي ماله امثالي
صديقك اللي يعدك ثالث اخوانــه
اشلون خلاك وقت الضيق لطــاني

الولد

يابوي عطفك رميت الروح بحضانه
نثرت دمعه سجين شاف الاهوالي
لاعاد تذكرلي الماضي وخلانـــــه
راحو وشفني وحيد جالس الحالي

الأب

غرتك دنياك والايام خوانـــــــــه
ورضيت بصحبت الحسنه بالانذالي
واغضبت ابوك وفضحته بين جيرانه
ونزلت راسه وهو في مامضى عـــالي


الولد

أنت السبب في الخطأ وانا ادفع اثمانه
اهملتني وانشغلت بجمع الامـــوالي
خليتني للهوى وابليس واعوانــــه
يلعبي الجان من جاني الى جانـــي
الأب

أنا اجمع المال واتعب حيل من شانه
قرش على قرش وريال على ريالــي
واشريلك الي تبيه من وسط دكانــه
وتختار سيارتك لو سعرها غـــالي

الولد

يابوي انا جيت والعينين غرقانـــــه
تايب عن الذنب وارجي رحمت الوالي
السجن قطع فوادي صمت جدرانـــــه
وفي المع زواياه عنها موتي اشــــوالي


الأب

تعال ياروح ابوك ونبض وجدانــــه
لاعاد تشكي وتبكي يابعد حـــــالي
الذنب ذنبي وصار وشفت برهانـــه
وقررت اخلي الطمع واهتم بعيــالي


الولد

استغفر الواحد المعبـــــود سبحانه
ومن رفقت السوء إحذر كل الاجيالي

الأب

ونوصي الاب من فضله واحسانـــه
لاتشغله عن عياله كثر الاعمـالــي

نعم محاورة رائعة

صح لسان شاعرها

وناقلها

تقديري

أشكر لك مرورك الكريم

محاوره مؤثره
يعطيك العوافي ع نقلها ,,

اللهم آمين وإياك أشكر لك مرورك العطر