#1
|
||||
|
||||
قصيدة من الالف( أ ) الى الياء( ي )
السلام عليكم ورحمت الله وبركاته
أخفي على الناس هذا الويل = اللي رسومة على جفوني لكنه الدمع غصب يســــــــيل = ويبيح للنا س مكنوني حرف (ب) بسأل طبيب الهوى والود = اللي بألإحساس متفوق وأقول كيف أمتنع وأصد = لا صرت بالحيل متشوق باقي أسأل الجمع وأستفسر = وأبغى الافادة من الشعار كســـــــــــر الهوي ليه ما يجبر = والطب يوقف معه محتار حرف (ت) تعبت وأحرقت ماضيكم = وهبت عليه الهبوب وطار وإن عاد قلبي يناديكم = حرام لأشـــــــب فيه النار حرف (ث) ثارت براكين في جفوني = والقت حممها على الخفاق من ونتي آه يا خوفي = تزايد الجــــــــــرح فالأعماق حرف (ج) جسم بلا قلب ما يطرب = لو كوكب الشرق غـنت له عن كل الافراح ناحي جنب = مثل الذي ينتظر قتله حرف (ح) حاولت أغطي أسى متقيه = ولمن سأل قلت في راحه يا زين قلبي ستر ما فيه = لكنها العين فضـــــــــــاحة حرف (خ) خصمين دعوي لهم في الشرع = بصكوك معهم لها إثبات لكن خصم جالهم من فرع = كسب القضية بحــــكم إقضات حرف (د) دم الشرايين متوقف = والقلب ينبـــــــض بليا دم وأنا من الطب متخوف = خايف دواهم يعوّد سم حرف (ذ) ذكرتني بماضي الأحزان = وأشعلت نيران في صدري والمشكلة يا أعز إنسان = لازلت محـــــــتار في أمري حرف (ر) رضيت باللي مارضيوا بي = ورضيوا بشرط أنا مأرضـــــاه ولا ألبس اللي ماهو ثوبي = ومن هو ترك شيء عاش بلاه حرف (ز) زايد بي الشوق بكاني = وزاد في حيرتـــــي لقياه مدري أمل واللقاء ثاني = وإلا شقاء والشقا نصلاه حرف (س) سلطان قلبي وقف لحظات = يكشف عن الجرح ويغطيه تذرف عيونه من الدمعات = عاجز عن الطـــــب ما يمديه حرف (ش) شوف المعادن ذهب وألماس = والتفرقة بيــــــتنهم واجب وإحرص تري إن العباد أجناس = لاجيت تختار لك صاحب حرف (ص) صابت صميم الفؤاد سهوم = وسهوم صابت جوارحنــا وكل ما جعلنا الأسى مكتوم = دموع الاعيان تفضحنا حرف (ض) ضحكت مره وجازاني = وقتي بدمع الأســـــــــى عامين وقررت ما تضحك أسناني = حتى ولو كان في العيدين حرف (ط) طبيب الأجراح علمناه = عما بنا من عضو شـــاكي صفق يمينه على يسراه = وقفى مثل حالنا باكي حرف (ظ) ظالم ولا يعترف بالظلم = ومزود الظـــــلم بالهجران أسقاني الكاس كله سم = حتى تشرّب به الشريان حرف (ع) عازف نغم جرّح المجروح = وهز قلبه ووجدانه خلاّه يأهل الغرام ينوح = لما سمع رقة ألحانه حرف (غ) غريق وسط الحزن عايم = والحال كله ألم وجروح والهم زايد على دايم = أمسيت بين العرب مذبوح حرف (ف) فكرت والفكر عناني = وأرهقت جسمي من التفكير يالله بالصبر تجزاني = وعن خاطري تبـــعد التكدير حرف (ق) قلوب نبض الوفاء فيها = وقلوب فيها الحسد تلقاه يظهر لك الوقت خافيها = والبعض في وجيههم تقراه حرف (ك) كيف أنسجم والهوي عكسي = وقلب المعني بحكم الغير وإن جيت للبر وأبغي أرسي = عكس الهوى يردني لأسير حرف (ل) لأجل أيش بحر الهوى سموه = يا هل تري كيف أوضاعه كثير من قبلنا عامــــــــــــوه = للحين ما حددوا قـــــاعه حرف (م) مدري خلل صار في الميزان = وإلاّ المعاريف معدومة قلوب نالت من الإحســـــــان = وقلوب للآن محــرومة حرف (ن) نصــــــبت قاضي ما بين إثنيــن = أساسهم جزء من ذاتـــي ما عرفت أقاضي وأراضي مين = مهما الحكم كان مأساتي حرف (هـ) هات الورق وأبري المرسام = وأكتب خواطر من أحزاني لعلها تشفــي الاسقــــــــام = وتفرج الــــــــــهم لآجاني حرف (و) وردت لي العين وأبغي أشرب = مثل الذي وارديــــن العين قالت لي العــــــــــــين لا تقرب = عيني عليها حرس واعين حرف (ي) يشكي لي الهم والتعذيب = ويحسب دموعي على شانه ما يدري الدمع والتنحيب = من زود فرحي بأحـــــــــزانه منقوول |
#2
|
||||
|
||||
رد: قصيدة من الالف( أ ) الى الياء( ي )
\7
__________________
يالله إن اهلنا في سوريا لحق بهم الضّر وليس لهم ناصرٌ سواك اللهم فأنصرهم سبحانك اللهم وبحمدك اشهد ان لا أله الا انت استغفرك واتوب اليك |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|