#1
|
||||
|
||||
هذي قصيدة وصوف الناس منصح وشمّات ,,,,,,
السلام عليكم والرحمه ,,,,
ارجو ان تنال اعجابكم القصيده ,,,,, (وصوف الناس) يالآدمي وان صار بالوقت ميـلات ونفسك على بعض المواقيف لمتـه افطن لرب ٍ فوق سبع السمـاوات عـلاّم سـرّ ٍ بالخفـا ماعلمـتـه دنيا تمشّينا علـى غيـر رغبـات وإن افكر العاقل بهـا مـا خدمتـه ان شفت بالدنيا مـلاوي وهفـوات وبحر الشقا في مقدم الرآس عمته اسمع كلام اللي خذابـه شهـادات من عقب لوعات الليالـي فهمتـه لعبت شـوط البهذلـه والمعانـات والحظ الاقشـر بالنهايـه هزمتـه خطاي احب من العلـوم النزيهـات وما رام نزهين الاشانيـب رمتـه ليا باد عزم الهيس دون المهمـات رجلي على عسر المراقـي نهمتـه انا ادري إن العمر كثيـر الآفـات ومن لا سرى للجود يترك جهمتـه الطيّـب الخيّـر رفيـع المقامـات يقعد معـك مالعـون حـظٍ خدمتـه لو كان مابينـك وبينـه صداقـات ليا حل ذكره ياجب إنـك حشمتـه وإلا الردي يطيـح دون الرفاعـات يبحث خفاك وليا لزمتـه صدمتـه لو بينك وبينـه عزايـم وشبـات تندم ليـا وديـت لـه واحترمتـه بعده علاج اللـي يـدوّر مـداوات عن موقف ٍ بين الضمايـر كتمتـه شنّت علي بعض الاصاحيب غارات والموقف المايـل بالاقفـا حسمتـه قلّت مروّة بعض الاصحاب بالـذّات وإلا البشر ماني ورى سو شمتـه هم يحسبون المرجلـه بالمـراوات ينكر لك ويفـرح ليامـن عزمتـه ولقيت من عقب التجاريب نقـوات ربع ٍ على الطولات ينبيك صمتـه يضحك حجاجه بالكدر والفضـاوات هـذاك سرحـان الخـلا لاعدمتـه اللي يعينك ليا تضايقـت بسكـات يزيد جاهك بالشـرف ليـا خدمتـه هذي وصوف الناس منصح وشمات كـلّ ٍ فعولـه واضحـه وتهمـتـه تبيـن للطيّـب ملامـح ووقفـات وإلا الردي يطيح بـه لـو أقمتـه (منقوووول)
__________________
سئل سفيان بن عيينه عن غم لا يعرف سببه ؟ فقال هو ذنب هممت به في سرك ولم تفعله . فجزيت هماً به قال شيخ الإسلام معلقاً : ( فالذنوب لها عقوبات السر بالسر والعلانيه بالعلانيه ) |
#2
|
||||
|
||||
رد: هذي قصيدة وصوف الناس منصح وشمّات ,,,,,,
محمد الحمودي
مشكوووووووووووووووور على النقل الجميل قصيده كلها حكم ولاهنت علي الزعبي |
#3
|
||||
|
||||
رد: هذي قصيدة وصوف الناس منصح وشمّات ,,,,,,
مشكور اخوي علي على مرورك ,,,,,,,,,,
وتقبل تحياتي (ابو طلق)
__________________
سئل سفيان بن عيينه عن غم لا يعرف سببه ؟ فقال هو ذنب هممت به في سرك ولم تفعله . فجزيت هماً به قال شيخ الإسلام معلقاً : ( فالذنوب لها عقوبات السر بالسر والعلانيه بالعلانيه ) |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|